Rregullohet parku në lagjen “Bazhdarhana”
![Rregullohet parku në lagjen “Bazhdarhana”](https://res.cloudinary.com/ecmandryshe/image/upload/v1607339532/images/26_04_2018_8147340_31346152_1671813739566348_1362316450370420736_n_kxobzg.jpg)
Në takimet e rregullta të organizuara nga EC me banorët e lagjes Bazhdarhana, si kërkesë nga këta të fundit kishte dalur funksionalizimi i parkut që gjendet në këtë lagje, përkatësisht në rrugën “Ahmet Prishtina”. EC pas konsultimeve me banorët lidhur me kërkesat e tyre kishte vizionuar propozimet e dalura nga ta. Si kërkesa kryesore ishin shtimi i gjelbërimit, vendosja e ulëseve, ndriçimit, rregullimi i këndit të lojrave për fëmijë si dhe vendosja e pengesave kundër parkimit të veturave në trotuar.
Këto propozime të dalura nga vetë banorët EC i kishte dorëzuar në Komunën e Prizrenit dhe pas kësaj Drejtoria e Shërbimeve Publike ka intervenuar në teren. Sipas zyrtarëve komunal kjo është vetëm faza e parë e punimeve dhe në fazat e radhës do të vendosen pengesa më të qëndrueshme kundër parkimit të makinave në trotuare, do të shtohet numri i fidaneve dhe luleve të mbjellura dhe poashtu do të vendoset një numër më i madh i ulëseve.