Mbahet aktiviteti “Green Talk” në Komunën e Pejës
![Mbahet aktiviteti “Green Talk” në Komunën e Pejës](https://res.cloudinary.com/ecmandryshe/image/upload/v1641332755/images/04_01_2022_1775175_04_01_2022_11040516_1_txsjtn.jpg)
![Mbahet aktiviteti “Green Talk” në Komunën e Pejës](https://res.cloudinary.com/ecmandryshe/image/upload/v1641332757/images/04_01_2022_12129069_04_01_2022_15990713_2_qwc2by.jpg)
![Mbahet aktiviteti “Green Talk” në Komunën e Pejës](https://res.cloudinary.com/ecmandryshe/image/upload/v1641332758/images/04_01_2022_18609202_04_01_2022_13169876_3_oke4dy.jpg)
![Mbahet aktiviteti “Green Talk” në Komunën e Pejës](https://res.cloudinary.com/ecmandryshe/image/upload/v1641332759/images/04_01_2022_12497599_04_01_2022_9557076_4_h54lhj.jpg)
![Mbahet aktiviteti “Green Talk” në Komunën e Pejës](https://res.cloudinary.com/ecmandryshe/image/upload/v1641332761/images/04_01_2022_18839292_04_01_2022_727548_5_zvfajj.jpg)
![Mbahet aktiviteti “Green Talk” në Komunën e Pejës](https://res.cloudinary.com/ecmandryshe/image/upload/v1641332763/images/04_01_2022_6812610_04_01_2022_19376450_6_smgmsm.jpg)
![Mbahet aktiviteti “Green Talk” në Komunën e Pejës](https://res.cloudinary.com/ecmandryshe/image/upload/v1641332764/images/04_01_2022_8352016_04_01_2022_4182149_7_avfsxi.jpg)
EC ka vazhduar serinë e diskutimeve “Green Talks”, me aktivitetin e mbajtur në Komunën e Pejës. Qëllimi i këtij diskutimi ishte nxitja e debatit për cështjet mjedisore mes nxënësve të shkollave dhe përfaqësuesve të institucioneve, duke i dhënë hapësirë të dyja palëve të njoftohen lidhur me idetë dhe angazhimet e njëri-tjetrit në këtë fushë.
Të pranishëm në këtë takim kanë qenë kryetari i Komunës së Pejës z.Gazmend Muhaxheri, nxënës e mësimdhënës nga shkollat fillore “Asdreni”, “Lidhja e Prizrenit”,“Vaso Pashë Shkodrani” dhe “8 Marsi”.
Nxënësit shpalosën para kryetarit Muhaxheri aktivitetet të cilat i realizojnë, sikurse: shënimi i ditëve të mjedisit, mbjellje të fidanëve, aksione të pastrimit të hapësirave publike, shpërndarje e fletushkave me qëllim ndërgjegjësimi publik, aktivitete të cilat lidhen me menaxhimin e mbeturinave dhe të ngjashme.
Më tej, përgjatë debatit bashkë me Kryetarin Muhaxheri u diskutua rreth investimeve të Komunës, përfshirë intervenimet në hapësirat publike, funksionalizimin e impiantit për trajtimin e ujërave të zeza, shtimin e hapësirave gjelbëruese, si dhe projekte të tjera të realizuara që janë të destinuara për mbrojtjen dhe kujdesin e ambientit.