Intervenohet edhe në një park të Junikut
![Intervenohet edhe në një park të Junikut](https://res.cloudinary.com/ecmandryshe/image/upload/v1671442744/images/19_12_2022_15356656_19_12_2022_18884082_1_q3lms1.jpg)
![Intervenohet edhe në një park të Junikut](https://res.cloudinary.com/ecmandryshe/image/upload/v1671442746/images/19_12_2022_15171113_19_12_2022_10295198_2_wfj0ak.jpg)
![Intervenohet edhe në një park të Junikut](https://res.cloudinary.com/ecmandryshe/image/upload/v1671442747/images/19_12_2022_13686295_19_12_2022_158900_3_m9o8kv.jpg)
![Intervenohet edhe në një park të Junikut](https://res.cloudinary.com/ecmandryshe/image/upload/v1671442749/images/19_12_2022_9479815_19_12_2022_8367232_4_lmagip.jpg)
![Intervenohet edhe në një park të Junikut](https://res.cloudinary.com/ecmandryshe/image/upload/v1671442751/images/19_12_2022_15380400_19_12_2022_14377412_5_drzu4s.jpg)
![Intervenohet edhe në një park të Junikut](https://res.cloudinary.com/ecmandryshe/image/upload/v1671442753/images/19_12_2022_15713491_19_12_2022_8174652_6_kpw9wg.jpg)
EC Ma Ndryshe në bashkëpunim me Komunën e Junikut ka realizuar mbjelljen e fidanëve në Sheshin “Gëzim Pepshi”, në lagjen Pepsh.
Pjesë e këtij aktiviteti përveç stafit të EC-it kanë qenë edhe Drejtori i Shërbimeve Publike, z. Demokrat Ganijaj, Drejtori i Urbanizimit, Kadastrit dhe Mjedisit, z. Zenun Shala, si dhe z. Rrustem Pepshi dhe z. Sali Pepshi përfaqësues i lagjes Pepsh.
Ky intervenim është kërkesë e iniciuar nga banorët e lagjes së bashku me Drejtorinë e Shërbimeve Publike të kësaj komune, dhe vjen si rrjedhojë e bashkëpunimit të suksesshëm që EC-i dhe kjo drejtori kanë pasur më herët në Parkun e lagjes “Bajraktar”.
Në ditët në vijim në muret rreth këtij parku do të realizohet edhe intervenimi artistik, së bashku me nxënësit e Gjimnazit “Kuvendi i Junikut”, për ta shndërruar këtë hapësirë në një vend më atraktiv dhe më të shfrytëzueshëm, ku i gjithë komuniteti do të ketë mundësinë për shoqërim dhe relaksim.
EC Ma Ndryshe i bën thirrje të gjithë qytetarëve që të kujdesen për hapësirat e gjelbra, dhe njëkohësisht kërkon nga institucionet përgjegjëse të investojnë sa më shumë për shtimin e tyre dhe të bashkëpunojnë me komunitetin për mirëmbajtjen e tyre.