Shoqëria civile dhe qytetarët e Prizrenit nga viti 2009 janë duke i artikuluar pakënaqësitë e tyre në lidhje me procesin e hartimit dhe miratimit Ligjit për Qendrën Historike të Prizrenit, të sponsoruar nga Ministria e Mjedisit dhe Planifikimit Hapësinor. Deri tani, kemi përdorur mjete të ndryshme të shprehjes së pakënaqësisë sonë në lidhje me këtë projekt-ligj. Në një nga veprimet tona, kemi dorëzuar edhe Peticionin e qytetarëve të Prizrenit (me mbi 10.000 nënshkrime) për të kundërshtuar këtë projekt-ligj, por edhe procesin jodemokratik dhe përjashtues të hartimit të tij. Pas miratimit përfundimtar të ligjit në Kuvendin e Kosovës, Koalicioni i OJQ-ve në Mbrojtje të Qendrës Hitorike i ka dërguar letër Presidentes së Kosovës për të mos e nenshkruar ligjin dhe për të kthyer atë në Kuvend. Pasi që Presidentja nuk ka reaguar, Koalicioni i OJQ-ve e ka përpiluar lëndën për Gjykatën Kushtetuese dhe i ka bërë thirrje deputetëve të Kuvendit të Kosovës që atë ta dergojnë për shqyrtim të kushtetutshmërisë.

Koalicioni i OJQ-ve në Mbrojtje të Qendrës Historike të Prizrenit mendon se Ligji për Qendrën Historike të Prizrenit:

• Është në konflikt me Pakon e Ahtisaarit (Aneksi V, neni 4, paragrafi 4.1.7)
• Shkel Kushtetutën e Kosovës (neni 8. Shteti laik, neni 24. Barazia para ligjit)
• Shkel ligjet e Kosovës (Liritë Fetare, Trashëgimi Kulturore, Vetëqeverisje Lokale)
• Injoron kuadrin ekzistues ligjor dhe institucional për trashëgimi kulturore
• Shkel standardet ndërkombëtare të trashëgimisë kulturore (konventat ndërkombëtare)
• Injoron Planin e Konservimit dhe Zhvillimit të Zonës Historike të Prizrenit
• Shkel vullnetin e qytetarëve të Prizrenit (Peticioni, reagimet, letrat, protestat)
• Diskriminon në baza fetare dhe nxit urrejtjen dhe konfliktin fetar

Në dokumentet e mëposhtme mund të shihni angazhimin, argumentet dhe vendosmërinë e Koalicionit të OJQ-ve për të kundërshtuar Ligjin për Qendrën Historike të Prizrenit.

10 arsye pse duhet votuar kundër ligjit
Analizë e ligjit
Fondacioni TK Shqetësime rreth ligjit
Forumi TK Redomandime
Kërkesë për takim me Presidenten
Kërkesë Presidentes për mos-nënshkrim të ligjit
Komunikatë për Media – 26.08.11
Komunikatë për Media – 01.11.11
Komunikatë për Media – 12.12.11
Komunikatë për Media – 24.01.11
Komunikatë për Media – 28.01.12
Lënda për Gjykatën Kushtetuese
Letër e Hapur Komunës së Prizrenit
Letër e Hapur kuvendit të Kosovës
Përgjigje Peter Faith-it
Reagim ndaj MMPH 1
Reagim ndaj MMPH 2
Reagim ndaj procesit të mbyllur të hartimit të ligjit
Thirrje për mosbindje qytetare