Trajnimi i grave dhe vajzave për punimin e veshjeve popullore tradicionale “dollamave“ po vazhdon në Prizren.

Trajnimi ka për qëllim të aftësoj pjesëmarrëset për qepjen e “dollamave” me dorë dhe kështu të rrisë mundësitë e tyre për vetëpunësim në të ardhmen.

Aftësimi disa mujor mundëson që pjesëmarrëset ta mësojnë këtë zeje tradicionale nga profesionistet me përvojë të kësaj fushe, dhe realizohet në kuadër të projektit "Trashëgimia kulturore për të gjithë: Ruajtja, edukimi, zhvillimi dhe inovacioni", që është vazhdimësi e përpjekjeve të EC Ma Ndryshe për mbrojtjen dhe zhvillimin e trashëgimisë kulturore.

Në këtë aspekt, vazhdojnë edhe përpjekjet për ruajtjen e zanatit të punimit të “dollamave” përmes promovimit dhe transferimit të njohurive.
Projekti i EC Ma Ndryshe "Trashëgimia kulturore për të gjithë: Ruajtja, edukimi, zhvillimi dhe inovacioni" mbështetet nga Ministria e Kulturës, Rinisë dhe Sporteve.