Sot EC Ma Ndryshe, në kuadër të projektit "Qyteti gjithëpërfshirës – Planifikimi me pjesëmarrje për zhvillim të qëndrueshëm urban në Prizren" organizoi fokus grupin Të moshuarit dhe planifikimi urban” në Sallën e Konferencave të EC Ma Ndryshe në Prizren. Qëllimi i diskutimit ishte identifikimi i brengave dhe nevojave të të moshuarëve dhe përkthimi i atyre planeve në plane urbane të komunës së Prizrenit. 

Pjesëmarrës në këtë fokus grup ishin të moshuarit (pensionerët dhe shoqatatat e pensionistëve), përfaqësues të OJQ-ve që merren me të drejtat e pensionistëve, përfaqësues të qeverisë lokale për çështje të punës dhe mirëqenies sociale, ekspertë të çështjeve gjinore dhe urbanizmit dhe pjesëmarrës nga sektorët e tjerë. Në këtë fokus grup diskutimi u orientua mbi problemet dhe nevojat e të moshuarëve në raport me infrastrukturën rrugore, transportin urban, ndërtesat dhe hapësirat publike si dhe aspekte të tjera të planifikimit urban.