Punëtoria vizionuese për hapësirën publike të shkollës “Luciano Motroni”
![Punëtoria vizionuese për hapësirën publike të shkollës “Luciano Motroni”](https://res.cloudinary.com/ecmandryshe/image/upload/v1607343564/images/15_04_2019_5864521_56800615_2207859515994971_7793763305905979392_n_sfi0pq.jpg)
EC Ma Ndryshe ka organizuar punëtorinë vizionuese për hapësirën publike të shkollës “Luciano Motroni”. Punëtoria ka pasur për qëllim që të rinjve t’u krijojë mundësinë të shprehin vizionin e tyre për hapësirën që i rrethon, duke i bërë kështu pjesëmarrës në procesin e planifikimit urban. Nxënësit të cilët janë poashtu pjesë e Klubit të Ambientit të kësaj shkolle në pjesën e parë i shfaqën anët pozitive dhe negative të gjendjes aktuale të këtij parku duke vazhduar më tej me punën në grupe ku e shfaqën vizionin e tyre për këtë hapësirë. Gjatë zhvillimit të kësaj punëtorie nxënësit u vizituan edhe nga Ambasadori i Norvegjisë në Kosovë z. Per Strand Sjaastad. Punëtoria është udhëhequr nga Klodeta Krasniqi planere me përvojë në këtë fushë.
Ky grant është mundësuar nga ‘Programi i shoqërisë civile për Shqipërinë dhe Kosovën’, financuar nga Ministria e Punëve të Jashtme të Norvegjisë dhe menaxhuar nga Fondacioni Kosovar për Shoqëri Civile (KCSF) në partneritet me Partnerët Shqipëri për Ndryshim dhe Zhvillim (PA).