Në kuadër të projektit “Online Transparency”, EC Ma Ndryshe gjatë muajve qershor- shtator ka filluar një hulumtim rreth punëve konservuese dhe restauruese në ndërtesat e trashëgimisë kulturore në Prishtinë. Pas konstatimit të problemeve të shumta që po i përcjellin Xhaminë e Çarshisë dhe atë të Jashar Pashës, hulumtimi vazhdon me punët konservuese në Hamamin e Madh të Prishtinës.
 
Angazhimi rreth restaurimit të Hamamit të Madh në Prishtinë filloi qysh në vitin 2006, me ç’rast organizata CHwB (Trashëgimia Kulturore pa Kufij) dhe Komuna e Prishtinës nënshkruan një Memorandum Mirëkuptimi. Pjesë e marrëveshjes ishte edhe formimi i një Bordi të Projektit, me përbërje nga Komuna, CHwB, IMMK (Instituti për Mbrojtjen e Monumenteve të Kosovës) dhe Fakulteti i Ndërtimtarisë dhe Arkitekturës. Këtij bordi iu ngarkua detyra e hartimit të programit të restaurimit të Hamamit të Madh. Lexo komunikatën.