Për një mjedis pa mbeturina
![Për një mjedis pa mbeturina](https://res.cloudinary.com/ecmandryshe/image/upload/v1607340927/images/29_07_2019_316256_65755610_2292107954377980_1273398713103941632_n_vb3pz0.jpg)
Grupi "Rinia (pa) Qendër" që është themeluar në kuadër të Shkollës së Aktivizmit të organizuar nga EC ka realizuar një aktivitet ku kanë vendosur shporta të mbeturinave përgjatë rrugës "Dëshmorët e Kombit" të komunës së Ferizajit.
Qëllimi i këtij aktiviteti është ngritja e vetëdijes së qytetarëve për rëndësinë e ambienteve të pastra dhe mbrojtjes së mjedisit. Prandaj edhe vendosja e këtyre shportave është një hap drejt krijimit të një ambienti më ekologjik dhe pa mbeturina.
Aktiviteti është financuar nga projekti "Përkrahja e Luksemburgut për shoqërinë civile në Kosovë, financuar nga Qeveria e Dukatit të madh të Luksemburgut dhe menaxhuar nga Fondacioni Kosovar për Shoqëri Civile (KCSF).