Neglizhenca institucionale po e shkatërron lokalitetin arkeologjik
![Neglizhenca institucionale po e shkatërron lokalitetin arkeologjik](https://res.cloudinary.com/ecmandryshe/image/upload/v1607339145/images/22_01_2016_889616_111_sacld9.jpg)
Lokaliteti arkeologjik i zbuluar vitin e kaluar në Sheshin e Lidhjes në Prizren rrezikohet si rezultat i neglizhencës institucionale. Pas muajve të tërë që ka mbetur i hapur si dhe nënshtrimit ndaj kushteve të jashtme, sidomos motit të ftohtë të këtyre ditëve, ka ardhur deri te shpërthimi i gypave të ujit, duke mbuluar kështu pjesë të caktuara të lokalitetit. Uji që ka mbuluar pjesë të caktuara të lokalitetit mund të rrezikojë në masë të madhe qëndrueshmërinë e strukturave të gjetura.
Ftojmë institucionet përgjegjëse që urgjentisht të ndërmarrin veprime për sanimin e dëmit të shkaktuar nga rrjedha e ujit, si dhe të ofrojnë mbrojtje fizike lokalitetit për të parandaluar raste të këtilla në të ardhmen. Po ashtu, në kohën më të shkurtër duhet të fillojë trajtimi profesional i lokalitetit konform legjislacionit dhe praktikave të mira për mbrojtjen e trashëgimisë arkeologjike.