Materialet promovuese të trashëgimisë kulturore dhe asaj natyrore të rajonit jugor të prodhuara përgjatë vitesh nga EC Ma Ndryshe janë vënë në dispozicion të mysafirëve të edicionit të 22-të të DokuFestit.

Në këto publikime informuese, të cilat gjenden në DokuShop dhe mund të merren falas, ofrohet një përmbledhje e thuktë e historisë, traditës, kulturës dhe natyrës së kësaj pjese të Kosovës, ku në radhë të parë janë vënë vlerat e trashëgimisë materiale dhe shpirtërore, duke ofruar një mundësi më të lehtë dhe më të hapur për njohjen e tyre si dhe për t’i vizituar ato.

EC vazhdimisht angazhohet për promovimin e trashëgimisë kulturore dhe natyrore si dhe shfrytëzimin e këtij potenciali për zhvillim të qëndrueshëm të rajonit të Prizrenit.