Marrëveshje e re bashkëpunimi për mbrojtjen dhe promovimin e trashëgimisë kulturore
![Marrëveshje e re bashkëpunimi për mbrojtjen dhe promovimin e trashëgimisë kulturore](https://res.cloudinary.com/ecmandryshe/image/upload/v1607343476/images/19_12_2018_2066550_48392913_2034995783281346_2714606351127937024_n_q8ygud.jpg)
Drejtori ynë i financave Admir Istrefi, në emër të EC Ma Ndryshe ka nënshkruar marrëveshjen e bashkëpunimit me UNDP Kosovo për projektin e ri të organizatës që është vazhdimësi e përpjekjeve tona për mbrojtjen dhe promovimin e trashegimisë kulturore. Në mënyrë specifike, projekti synon të ofrojë një model të qëndrueshëm të aftësimit profesional për të siguruar vazhdimësinë e zejes tradicionale të filigranit, duke krijuar në të njëjtën kohë mundësi punësimi për gratë dhe të rinjtë e rajonit të Prizrenit. Ditëve në vijim do të publikojmë detaje të tjera rreth projektit, përfshi mënyrat se si të interesuarit mund të bëhen pjesë dhe të përfitojnë nga aktivitetet.