“Green Talk” me të rinjtë në Fushë Kosovë
![“Green Talk” me të rinjtë në Fushë Kosovë](https://res.cloudinary.com/ecmandryshe/image/upload/v1684236971/images/16_05_2023_6495356_343173671_190627057142559_3874472204263587022_n_zkcqfd.jpg)
![“Green Talk” me të rinjtë në Fushë Kosovë](https://res.cloudinary.com/ecmandryshe/image/upload/v1684236972/images/16_05_2023_11947704_343302150_712218003989096_6099690070685428283_n_hgzbcj.jpg)
![“Green Talk” me të rinjtë në Fushë Kosovë](https://res.cloudinary.com/ecmandryshe/image/upload/v1684236974/images/16_05_2023_8319984_343319739_937520740826036_5847972476189185616_n_atoqcu.jpg)
![“Green Talk” me të rinjtë në Fushë Kosovë](https://res.cloudinary.com/ecmandryshe/image/upload/v1684236975/images/16_05_2023_44992_343635430_626111769025300_8197255137835690784_n_zdzmrr.jpg)
![“Green Talk” me të rinjtë në Fushë Kosovë](https://res.cloudinary.com/ecmandryshe/image/upload/v1684236977/images/16_05_2023_9616484_343750686_163119056704677_6091485982479747312_n_qrprct.jpg)
![“Green Talk” me të rinjtë në Fushë Kosovë](https://res.cloudinary.com/ecmandryshe/image/upload/v1684236978/images/16_05_2023_17938672_343929006_1287500328844375_344017598353245490_n_p15gwr.jpg)
EC Ma Ndryshe ka vazhduar serinë e debateve të gjelbra me të rinj, kësaj here në Komunën e Fushë Kosovës. Me anë të këtij aktiviteti EC, synon aktivizimin e të rinjve në mënyrë që ata të paraqesin kërkesat dhe shqetësimet para zyrtarëve përgjegjës.
Në këtë takim kanë marrë pjesë përfaqësues nga Komuna e Fushë Kosovës, z. Ejup Qyqalla dhe z. Adnan Bullatovci (Drejtoria e Shërbimeve Publike dhe Mjedisit dhe Drejtoria e Planifikimit Urban) si dhe nxënësit e mësimdhënësit nga shkollat fillore “Mihal Grameno I”, “Mihal Grameno II” dhe “Selman Riza”.
Në fillim EC-i prezantoi angazhimet, aktivitetet mjedisore dhe projektet e veta të cilat ndërgjegjësojnë dhe promovojnë mbrojtjen e mjedisit, duke vazhduar më tutje me prezantimet e aktiviteteve mjedisore të realizuara nga ana e nxënësve përfaqësues të shkollave prezente.
Gjatë debatit u diskutuan shumë probleme mjedisore që ekzistojnë në Komunën e Fushë Kosovës si: mungesa e hapësirave publike, menaxhimi i mbeturinave, deponitë ilegale, mungesa e pjesëmarrjes qytetare në diskutime publike, mungesa e inspektorëve mjedisor, numri i madh i ndërtimeve pa planifikim të hapësirave të gjelbra, etj.
Nga ana e përfaqësuesve të dy drejtorive u premtua se shkollat do të përkrahen në realizimin e aktiviteteve dhe projekteve mjedisore.