“Fuqizimi i Organizatave të Shoqërisë Civile Mjedisore në Kosovë: Qasje Gjithëpërfshirëse për një Mjedis të Qëndrueshëm”
![“Fuqizimi i Organizatave të Shoqërisë Civile Mjedisore në Kosovë: Qasje Gjithëpërfshirëse për një Mjedis të Qëndrueshëm”](https://res.cloudinary.com/ecmandryshe/image/upload/v1706257062/images/26_01_2024_272014_26_01_2024_2270107_1_yvkyuu.jpg)
![“Fuqizimi i Organizatave të Shoqërisë Civile Mjedisore në Kosovë: Qasje Gjithëpërfshirëse për një Mjedis të Qëndrueshëm”](https://res.cloudinary.com/ecmandryshe/image/upload/v1706257064/images/26_01_2024_5507886_26_01_2024_7068883_2_hi1ujr.jpg)
![“Fuqizimi i Organizatave të Shoqërisë Civile Mjedisore në Kosovë: Qasje Gjithëpërfshirëse për një Mjedis të Qëndrueshëm”](https://res.cloudinary.com/ecmandryshe/image/upload/v1706257065/images/26_01_2024_18128639_26_01_2024_7414903_3_tigxcp.jpg)
EC Ma Ndryshe ka kënaqësinë të njoftoj se ka marrë pjesë në ceremoninë e fillimit të projektit “Fuqizimi i Organizatave të Shoqërisë Civile Mjedisore në Kosovë: Qasje Gjithëpërfshirëse për një Mjedis të Qëndrueshëm” (EECSOK), ku si organizatë partnere edhe ka nënshkruar kontratën me Community Development Fund - CDF për zbatimin e komponentit “Ruajtja e biodiversitetit dhe përshtatja ndaj ndryshimeve klimatike”.
Ky projekt synon që të fuqizojë organizatat e shoqërisë civile mjedisore duke zhvilluar ekspertizë të specializuar, për të adresuar dhe trajtuar efektivisht çështjet mjedisore.
Gjatë katër viteve që do të zgjasë projekti, EC-i do t’i zhvillojë kapacitetet e ekspertizën për adresimin e sfidave mjedisore sa i përket ruajtjes së biodiversitetit dhe përshtatjes ndaj ndryshimeve klimatike, bashkë me përfshirjen në diskutime të informuara mbi politikat publike, por edhe për të ndikuar aktivisht në hartimin apo ndryshimin e tyre.