EC Ma Ndryshe sot ka shënuar “Ditën Pa Makina” në Prishtinë dhe në Prizren. Në të dyja qytetet, në formë tabele janë paraqitur të dhëna mbi ndotjen e shkaktuar nga transporti si dhe dobitë që sjell përdorimi i biçikletave, të cilat qytetarët kanë pasur mundësinë t’i lexojnë.

Në të njëjtën kohë është bërë shpërndarja e këtyre porosive edhe në formë të broshurës tek qytetarët. Gjatë shpërndarjes së këtyre broshurave kanë ndihmuar edhe të rinj vullnetarë nga Prishtina dhe Prizreni.

Ky aktivitet synon sensibilizimin e qytetarëve që të shmangin sa më shumë përdorimin e makinave, të cilat emetojnë lëndë të dëmshme për organizmin. Prandaj EC i bën thirrje qytetarëve që me qëllim të mbrojtjes së mjedisit të shmangin përdorimin e makinave, duke përdorur më shumë transportin urban, biçikletat dhe ecjen në këmbë në distanca të shkurtra.