Duke marrë parasysh faktin se bëhet fjalë për një intervenim artistik, i realizuar disa vite më parë, që ka mundësuar kthimin e kësaj ure në pikë takimi të vizitorëve të Prizrenit, EC konsideron se do të ishte e udhës që të njoftohet bashkë me autoren e instalacionit, që brenda një afati të arsyeshëm kohor të realizojnë bartjen në ndonjë lokacion tjetër të përshtatshëm.

Me këtë rast EC kërkon që të njoftohet nga organet përgjegjëse me vendndodhjen e këtij instalacioni që është larguar pa treguar ndonjë konsideratë për punën e autores.