Dy muaj pas vdekjes tragjike të trevjeçares Xheneta Gashi në rrugën “Marin Barleti” në Prizren, institucionet e pushteteve të ndryshme janë treguar të vakëta në trajtimin e këtij rasti, që ngërthen në vete llogaridhënien para publikut, por pikë së pari ndjekjen penale për papërgjegjësi.

Gjatë kësaj periudhe ishte raportuar se Prokuroria Themelore e Prizrenit ishte në pritje të kallëzimit penal nga hetuesit policorë, ndërkohë që nuk ka pas njoftime publike nga Prokurori i Shtetit se Prokuroria në Prizren ka ngritur ndonjë aktakuzë lidhur me këtë rast.  Lexo reagimin.